Nuk do desha që ta quaja 'kek me çokollatë' sepse kjo fjalë nuk e përshkruan siç duhet këtë ëmbëlsire. Ajo është një delikatesë e kuzhinës franceze "gateau au chocolat".
Ka shumë receta për këtë embelsirë, e cila e ndryshon shijen në bazë të raporteve të përbërësve. Këto janë raportet e recetës time personale e cila zëvendëson hijshëm çdo tortë ditëlindjeje.
Për 8-10 persona nevojiten:
- 200g çokollatë për ëmbëlsirë (Nestle);
- 125g gjalpë ( jo margarinë);
- 100g miell ;
- 1 bustinë me fryrës keku;
- 4 vezë;
- 150g sheqer;
- majë kripë .
Ndezim furrën në 180 gradë.
Në një tenxhere me zjarr të avashtë hedhim gjalpin sheqerin dhe çokollaten në copa, dhe duke i trazuar i shkrijmë në formen e një kremi. E heqim nga zjarri.
Në një enë qelqi ndajmë të verdhat dhe i hedhim tek masa e çokollatës duke i perzier, ndërsa të bardhat i rrahim me pak kripë deri sa të shtojnë volum .
Tek tenxherja hedhim miellin dhe e trazojmë dhe shtojmë masën e vezëve duke e përzierë lehtë .
Me anën e një furçe lyejmë me gjalpë enën ku do ta hedhim masën e kekut dhe e vemë në furrë në 180 gradë.
Jamystic këshillon: Është e rëndësishme që të përdorni produkte të mira, si tek çokollata ashtu edhe tek gjalpi. Përndryshe rezultati do të jetë zhgënjyes.
Shpërndaje te miqtë
