Grenell: Politika e Kurtit kundërshtonte politikën amerikane

I dërguari i SHBA-ve për dialogun Kosovë-Serbi Richard Grenell kritikoi qeverisjen e Albin Kurtit duke deklaruar se ‘kishte një politikë që ishte në kundërshtim me politikën amerikane’. Në një intervistë për gazetën Express, Grenell u shpreh:

“Kurti kishte shumë mundësi të punonte me qeverinë e Shteteve të Bashkuara dhe ai vendosi që nuk e dëshiron këtë, sepse ai e kishte një politikë që ishte në kundërshtim me politikën tonë.”

Richard Grenell i ka bërë vazhdimisht presion ish-qeverisë Kurti për heqjen e masave të reciprocitetit ndaj Serbisë. Por Kurti nuk pranoi. Shumë media kanë shkruar se një ndër arsyet kryesore përse Qeveria Kurti u rrëzua, ishte sepse ajo refuzoi presionin e administratës amerikane për të hequr masat e reciprocitetit me Serbinë. Shpërndaje te miqtë