Berisha do jem në parlament, së shpejti padia në Francë

Ish-kryeministri Sali Berisha do të jetë në Kuvend në shtator. Ai u shpreh se do të lërë mandatin e deputetit vetëm kur SHBA-të të paraqesin një provë kundër tij. “Jo zoti Blinken, po nëse një njeri në këtë botë nxjerr një të dhënë të vetme, Sali Berisha është njeriu i vendimeve”, u shpreh Berisha, jashtë Pallatit të Kongreseve ku po mbahet Kuvendi Kombëtar i partisë. Ai u shpreh se padia kundër vendimit të SHBA-ve për shpalljen e tij “non grata” në një gjykatë të Francës ende nuk është dorëzuar:

“Beteja ime ligjore po ecën. Ju e kuptoni që procedurat ligjore nuk janë procedura emergjence. Unë kam besim te avokati im. Aftësitë e tij janë të konfirmuara tashmë. Janë hapat final para dorëzimit te gjykatësi. Ai pastaj ka fjalën e tij".

Berisha fajësoi për humbjen e zgjedhjeve nga PD, për të tretën herë radhazi vendosjen e “narko shtetit”.