PD akuza qeverisë për tenderin e Portit të Durrësit: Aferë korruptive në shkelje të ligjit

Partia Demokratike akuzoi qeverinë se ka dhënë me koncesion Terminalit të Kontenierëve në Portin e Durrësit, i cili do të kushtojë 30 milionë euro. Në një deklaratë për shtyp, ish deputetja Jorida Tabaku u shpreh se koncesionari do t'i jepet një kompanie afër me qeverinë, por pa thënë emrin e kompanisë përfituese.

“Procedura për konccesionin, e cila po realizohet e mbyllur, do t'ia japë një kompanie afër qeverisë, e cila, përveç cënimit të sigurisë kombëtare ka edhe probleme të cilat lidhen me menaxhimin".

Tabaku u shpreh se kjo rrezikon buxhetin e shtetit, pasi Shqipëria është paditur në arbitrazh për prishje të kontratës koncesionare për këtë terminal. Tabaku shtoi se PD do të hetojë këtë kontratë kur të vijë në pushtet dhe do të dërgojë paradrejtësisë çdokënd që ka marrë pjesë në këtë aferë korruptive. Shpërndaje te miqtë