Mjeku reanimator Roland Xhaxho është infektuar me Covid-19 dhe është shtruar sot në spitalin Infektiv.
Ministria e Shëndetësisë njoftoi se Xhaxho është në gjendje të stabilizuar shëndetësore. Ai është infektuar gjatë kujdesit për pacientët e tjerë me koronavirus.
Fillimisht lajmi u bë publik nga nga ish-ministri i Shëndetësisë, Tritan Shehu, i cili është mik dhe koleg me Xhaxhon.
Ai i uroi shërim të shpejtë mjekut dhe e falenderoi për kontributin e tij për përshtatjen e shërbimeve të reanimacionit për përballjen me këtë epidemi.
