Sot, Shoqata e Ndërtuesve të Shqipërisë kundërshtoi projektligjin e pasurive të paluajtshme, miratuar dje nga Komisioni i Ekonomisë.
Në projekligj parashikohet se ndërtuesit nuk mund të lidhin kontrata sipërmarrje apo porosie pa e regjistruar lejen e ndërtimit në Bashki dhe në Zyrën e Regjistrimit të Pasurive të Paluajtshme. Ndërtuesit deklaruan se janë pro regjistrimit të lejes në Bashki, por kundërshtojnë pritjen për të nënshkruar kontrata me blerësit deri sa ZRPP-ja të miratojë lejen.
Ata u shprehën se kjo do të vononte shumë nisjen e kontratave të blerjes, çka do të bllokonte punën për to. Ndër të tjera, SHNSH-ja u ankua se qeveria nuk është konsultuar me grupet e interesit.
