Varhelyi, ministrave të Ballkanit Perëndimor: Nëse nuk bëni reforma, nuk do të përfitoni fonde

Eurokomisioneri për Zgjerimin Oliver Varhelyi u takua sot, 9 nentor, me ministrat e jashtëm të Ballkanit Perëndimor, në kuadër të procesit të Berlinit dhe planit të mbështetjes ekonomike. Në takimin e zhvilluar online morri pjesë edhe zëvendësministri i Jashtëm Gent Cakaj. Vrahelyi ia bëri të qartë ministrave se nëse “qeveritë e tyre nuk angazhoheshin me vendosmëri në zbatimin e reformave thelbësorë”, nuk do të mund të thithnin fondet e miratuara nga BE. Reformat e kërkuara nga BE, thekson Varhelyi në deklaratën për shtyp janë “reformat ekonomike, forcimi i shtetit të së drejtës dhe principeve demokratike, lufta ndaj korrupsionit, reforma adminsitrative”. Në një postim në Twitter pas takimit, eurokomisioneri tha se “e ardhmja e Ballkanit Perëndimor është në BE”:

“Bashkëpunimi rajon nuk është një alternativë e integrimti evropian, por një pjesë thelbësore e tij. Rajoni duhet të krijojë mjedis ku të rinjtë të zgjdhin të qendrojnë dhe të ndikojnë në ekonominë lokale dhe në shoqëri”.

BE miratoi 9 miliardë euro ndihmë ekonomike për vendet e rajonit për luftën ndaj krizës së koronavirusit. Shpërndaje te miqtë