Sindikata e taksistëve protestoi, sot, përpara Bashkisë së Tiranës dhe kërkoi ndalimin e informalitetit mes taksive. Protestuesit i kërkuan Kryebashkiakut Veliaj bllokimin e taksistëve pa liçensë, pasi po falimentojnë taksistët e regjistruar që paguajnë taksa.
Ata, gjithashtu, kërkuan takim me Krybashkiakun Veliaj për të diskutuar ligjin e taksive 6+1, që lejon futjen e taksive me më shumë pasagjerë. “Ne kemi ankesa ndaj këtij ligji që favorizon kompanitë private dhe shkel kushtetutën,” u shprehën taksistët.
Ata deklaruan se nëse Kryabshkiaku Veliaj nuk merr parasysh kërkesat e tyre, do të bllokojnë qarkullimin në rrugët e Tiranës.
Shpërndaje te miqtë
