Shqipëria ka blerë një tjetër sasi vaksinash nga kompania Pfizer.
Vendimi është marrë nga Këshilli i Ministrave dhe është publikuar më datë 16 qershor.
Megjithtë asnjë detaj nuk është bërë transparent nga marrëveshja lidhur me sasinë e dozave të blera, çmimin e tyre dhe kohën e mbërritjes në Shqipëri.
Qeveria e justifikon mos dhënien e informacionit me argumentin e sekretit tregëtar të kërkuar nga kompania Pfizer.
Kostoja për blerjen e kësaj sasie të re të vaksinave do të përballohet nga fondi rezervë i buxhetit të shtetit për vitin 2021.
Mbi 936 mijë doza vaksinash kundër COVID-19 kanë mbërritur deri tani në Shqipëri.
