Vaksina ruse anti-Covid Sputnik V ka mbërritur dhe në Serbi.
Lajmin e konfirmoi Ministri serb i Shëndetësisë Zlatibor Loncar.
Si fillim, Rusia ka dërguar në Serbi 2400 doza të vaksinës Sputnik V.
Ministri konfirmoi, të marten, se Agjencia e Barnave dhe Pajisjeve Mjekësore është duke bërë disa testime të vaksinës, të cilat priten të mbarojnë në fillim të janarit.
Ndërkohë Serbia ka nisur vaksinimin me vaksinën e kompanive Pfizer-BioNTech në 24 dhjetor.
Burime nga ministria e Shëndetësisë thanë se qeveria serbe po bisedon dhe me Kinën për të siguruar një sasi nga vaksina kineze.
Shpërndaje te miqtë
