PD denoncon mungesën e kushteve në një shkollë në Kryevidh

Partia Demokratike denoncoi të enjten mungesën e kushteve të shkollës 9 vjeçare në Kryevidh. Në një deklaratë për mediat, Albana Vokshi deklaroi se gjysma e fëmijëve kanë ikur nga kjo shkollë në fshatrat e tjera.

"Gjysma e fëmijëve janë larguar në fshatra të tjerë pasi nuk ka kushte. Shkolla si kjo fytyra e vërtetë e Edi Ramës, ndaj prindërit i heqin nga kjo shkollë dhe i dërgojnë në shkolla 15 kilometra larg. "

Ajo pohoi se i kishin kërkuar drejtorit leje për të parë klasat dhe ambjentet e saj por leja ishte refuzuar. Vokshi pohoi se ky është një tjetër dështim i Ramës, duke theksuar se 2,3 përqind nga buxheti i 2020 do të shkojnë për arsimin në 2020. Shpërndaje te miqtë