Nis java Italiane në Gjirokastër, kryebashkiaku Golemi: Bashkëpunim mes vendeve për promovimin e trashëgimisë kulturore

Kryetari i bashkisë së Gjirokastrës, Flamur Golemi takoi të martën ambasadorin e Italisë në Tiranë, Fabrizio Bucci në kuadër të hapjes së Javës Italiane në Gjirokastër. Në një deklaratë për mediat, ai u shpreh se takimi kishte në fokus bashkëpunimin mes dy vendeve për të promovuar trashëgiminë kulturore.

“Së bashku ndoqëm ecurinë e projekteve të nisura për rikonstruksionin e teatrit “Zihni Sako”, rehabilitimin e rrjetit të ndriçimit publik në qytet si dhe ndërtimin e mjediseve argëtuese për fëmijët. Thelbi i marrëdhënies dypalëshe do të jetë zbatimi i projekteve të përbashkëta, në zhvillimin turistik dhe promovimin e trashëgimisë kulturore”.

Ai njoftoi hapjen e “Casa d ‘Italia” në Gjirokastër, një qendër për njohjen e të rinjve me gjuhën dhe kulturën e këtij vendi. Java e Gjuhës Italiane zhvillohet çdo vit në datat 19 deri 25 tetor me qëllim përhapjen e kësaj gjuhe e kulture në mbarë botën. Shpërndaje te miqtë