Nga 1 dhjetori, një pjesë e mësimit në shkolla kalon online

Nga 1 dhjetori, mësimi në shkollat 9-vjeçare dhe të mesme mund të zhvillohet i alternuar, një pjesë në klasa dhe një pjesë virtualisht. Ministrja e Shëndetësisë Ogerta Manastirliu u shpreh në një deklaratë për shtyp, të mërkurën, se i ka rekomanduar ministrisë së Arsimit të shohë mundësinë për zhvillimin e mësimit të alternuar, si mënyrë për të shmangur përhapjen e Covid-19. Manastirliu u shpreh:

“Pas rekomandimit të Komitetit të Ekspertëve kemi vendosur t’i rekomandojmë MASR që, nga data 1 Dhjetor, të aplikojë skenarët që parashikojnë kryerjen e mësimit të alternuar, pra në formën tradicionale, me prani fizike duke e kombinuar dhe me mësimin ne distance (online) bazuar në specifikat e sistemit arsimor dhe të dhënave lokale përkatëse në bashkëpunim me autoritetet shëndetësore.”

Pavarësisht masës së rekomanduar, Manastirliu tha se fëmijët nuk vlerësohet të jenë transmetues të lartë të Covidit. Shpërndaje te miqtë