Kreu i Partisë Republikane, Fatmir Mediu e konsideron draftin e opozitës parlamentare për ndryshimin e sistemit zgjedhor si “diçka të hartuar nga Partia Socialiste”.
“Unë shpresoj që Murrizi e të tjerët të dinë se çfarë kanë propozuar. Ata kanë propozuar që të mos ketë koalicione opozitare kundër qeverisë. Kjo do të thotë që PS vjedh vota të djathta.” – tha Mediu.
Aleati i Demokratëve akuzoi deputetët e opozitës parlamentare se nuk e kuptojnë atë që kanë kërkuar me ndalimin e koalicioneve dhe vendosjen e pragut 5% për partitë politike.
“Nuk e kuptojnë se çfarë kanë firmosur. Mendoj se ndoshta ia vlente që dolëm nga parlamenti si opozitë, por problemi ishte se u futën disa individë që nuk duhet të hynin në Kuvend.” – tha Mediu në Real Story.
Shpërndaje te miqtë
