Dy sanitare në pavionin e Pediatrisë në Elbasan janë infektuar me Covid-19. Për këtë arsye, i gjithë rajoni është mbyllur përkohësisht dhe po dezinfektohet.
Instituti i Shëndetit Publik ka nisur testimin e të gjithë stafit të pediatrisë.
Deri në një njoftim të dytë për hapjen e Pediastrisë, të gjithë vizitat do të bëhen në qendrën spitalore te ish-urgjenca e vjetër në Elbasan.
Dy ditë më parë u mor vendimi dhe për mbylljen e përkohshme të maternitetit të Lushnjes pasi një mjeke gjinekologe dhe një infermiere kanë rezultuar të infektuara me Covid-19.
Shpërndaje te miqtë
