Komisioni Hetimor për shkarkimin e Presidentit Ilir Metës mblidhet sot në orën 12:00. Sot është afati i fundit i paraqitjes së Metës në seancën dëgjimore. Meta ende nuk ka njoftuar nëse do të marrë pjesë në Komisionin Hetimor.
Meta në një letër dërguar Kuvendit në 18 maj I kërkoi të anulloj Komisionin dhe hetimin ndaj tij. Ai e quajti Komisionin të paligjshëm.
Meta u shpreh se nuk do të njohë asnjë nga vendimet e Komisionit dhe do të vazhdojë punën e tij.
Anëtarët e Komisionit Hetimor janë Alket Hyseni, Myslym Murrizi, Klotilda Bushka, Vasilika Hysi, Elena Xhina, Spartak Braho, Halil Jakimi, Nikolin Staka, Arlind Çarçani, Ermonela Felaj, Xhemal Qefalia dhe Eugen Bojaxhi.
