LSI denoncon Ramën për ndërtimin e Spitalit të Fierit

Nënkryetari i LSI Petrit Vasili akuzoi të martën kryeministrin Edi Rama se pas ndërtimit të Spitalit të Fierit fshihen interesa të tij. Në një deklaratë për media, Vasili pyeti Ramën se çfarë e ka penguar të ndërtojë spitalin para 4 vitesh, siç kishte premtuar:

“Cili interes i fshehtë e pengoi Ramën, që nuk e filloi ndërtimin e Spitalit te Fierit katër vjet me parë, pasi kishte paguar edhe mijëra euro nga buxheti i Ministrisë së Shëndetësisë për projektin e spitalit Atelier 4 për ta bërë?”

Vasili publikoi dhe deklaratën e kryebashkiakut të Fierit, Armando Subashi të bërë 4 vite më parë. Subashi deklaronte se do të ndërtohej shumë shpejt spitali i Fierit, bashkë me një Universitet të Mjekësisë. Pas 4 vitesh, vetëm javën e fundit Rama njoftoi se spitali do të ndërtohet dhe do të financohet nga Turqia. Shpërndaje te miqtë