Kryemadhi tregon se ku do kandidojë Petrit Vasili

Nënkryetari i LSI-së Petrit Vasili do të kandidojë për deputet në Tiranë, në Njësinë 5. Lajmin e dha të enjten kryetarja e LSI-së Monika Kryemadhi, gjatë një takimi me banorët e kësaj njësie. Duke iu drejtuar Vasilit, Kryemadhi tha:

“Ti Titi do të garosh në njësinë 5, kjo është edhe zona jote dhe prej ditësh kanë filluar takimet e tua që në mëngjes herët dhe ndihet prezenca jote kudo.”

Deri më tani nga LSI janë zbuluar dhe qarqet ku do të garojë Kryemadhi, në Elbasan dhe Fier. Ajo ka lënë të hapur dhe mundësinë për të garuar në qarqe të tjera. Zyrtarë të LSI-së kanë deklaruar se bashkëpunimi me PD në zgjedhjet e 25 Prillit do të jetë i pjesshëm, pra vetëm në disa zona: në disa qarqe LSI do të kandidojë vetëm dhe në disa qarqe të tjera me PD-në, në mënyrë që të maksimizohet vota. Shpërndaje te miqtë