Kryemadhi premton mundësi dhe hapësira për të rinjtë

Kryetarja e LSI, Monika Kryemadhi u takua, të premten, me të rinj në qytetin e Cërrikut dhe premtoi se LSI do të sjellë mundësi të reja për të ata. Ajo akuzoi qeverinë për largimin e të rinjve jashtë vendit, duke u shprehur se faktori kryesor i largimit është keqqeverisja:

“Një nga arsyet që të rinjtë po largohen është mungesa e mundësive për tu punësuar. Një nga arsyet e tjera është pagat për punët që bëjnë nuk janë ato që shpresojnë dhe duhet të marrin.

Një nga problemet e tjera kryesore është edhe faktori që i nxit dhe keqqeverisja për të mos krijuar hapësira për të rinjtë”.

Kryemadhi tha se mundësitë e punësimit për të rinjtë janë zero dhe premtoi se pas 25 prillit situata do të përmirësohet, me ardhjen në pushtet të opozitës. Shpërndaje te miqtë