Kryemadhi premton mbështetje për të rinjtë

Kryetarja e LSI-së, Monika Kryemadhi premtoi të dielën se me ardhjen e opozitës në pushtet, prioritet do të jenë të rinjtë dhe qëndrimi i tyre në Shqipëri. Gjatë një takimi me banorët e njësisë 2 në Tiranë, Kryemadhi tha se të rinjtë duhet të përfshihen më shumë në politikë dhe vendimmarrje:

“Kemi nevojë për djem të rinj, sepse duam që ndryshimin në politikën shqiptare ta bëjmë me energji të reja, me kapacitete të reja, me forca të reja.”

Ajo premtoi krijimin e vendeve të reja të punës për të nxitur të rinjtë të qëndrojnë në vend dhe jo të emigrojnë:

“Ne duam të krijojmë mundësi, të krijojmë vende pune, punë të mirë paguar, të krijojmë hapësira pa fund, të zhvillohet ekonomia, të zhvillohet biznesi, të kthejnë sigurinë në vend.”

Shpërndaje te miqtë