Kryebashkiaku Ndreu: Situata nga shirat në Lezhë e rrezikshme, kemi evakuuar disa banorë

Kryebashkiaku i Lezhës, Pjerin Ndreu deklaroi se situate në qytet është mjaft e rënduar dhe e rrezikshme për shkak të shirave. Gjatë një komunikimi me gazetarët, Ndreu u shpreh se në disa zona rrezikon të rrëshqasë dheu, duke theksuar se janë evakuar disa familje.

“Situata është e rënduar, vende vende shumë e rrezikshme. Situatë shumë e rëndë është në lagjen e spitalit, ku ka rrëshqitje dheu që rrezikon banesat. Deri tani kemi evakuuar banorë dhe një kopsht. Bisedova vetë me disa banorë dhe iu thashë se nuk mund të rrinë natën aty, dhe na mirëkuptuan.”

Ndreu shtoi se po pret ekipin e emergjencave nga Tirana për të vlerësuar gjendjen. Ai shtoi se po vëzhgohet me kujdes rezervuari i Kallmenit, i cili do të sillte katastrofë nëse dëmtohet. Shpërndaje te miqtë