LSI dorëzon listën me anëtarët e KZAZ

LSI dorëzoi pranë Komisionit Qendror të Zgjedhjeve të premten listën me anëtarët e KZAZ për zgjedhjet e 25 prillit. Në një deklaratë për gazetarët, sekretari i përgjithshëm, Endrit Brahimllari deklaroi se LSI ka përmbushur një detyrim ligjor duke theksuar se e ka dërguar listën 4 ditë përpara se të përfundojë ky afat.

“Në fakt sot LSI-ja përmbushi detyrimin e saj ligjor për të dorëzuar anëtarët e KZAAZ-ve. Sot kemi dorëzuar 92 anëtarë të KZAZ-ve, një detyrim ligjor për zgjedhjet e 25 prillit. Në fakt LSI-ja si një forcë përgjegjëse, serioze, e mirë organizuar i ka dorëzuar 4 ditë më para se të përfundojë ky afat”

Brahimllari deklaroi se zgjedhjet e 25 prillit janë një mundësi për të larguar keqqeverisjen, dhe një qeveri që nuk mendon më për qytetarët. Në lidhje me propozimin për votimin dhe numërimin elektronik në Korçë dhe Fier, Brahimllari deklaroi se ka një dakortësi më PD në lidhje më këtë çështje. Shpërndaje te miqtë