Kolegji Zgjedhor rrëzoi kërkesën e PD dhe LSI për paraqitjen e provave shtesë për shpalljen e pavlefshmërisë së zgjedhjve në qarkun e Beratit.
LSI u shpreh në Kolegj se nëse hapeshin të gjitha kutitë e votimit, ajo fitonte një mandat deputeti. Ndërsa, PD ka kërkuar marrjen e provave shtesë nga institucionet e vendit.
Njësoj si Kolegji Zgjedhor ka vepruar edhe Komisioni i Ankesave dhe Sanksioneve në KQZ, më parë në lidhje me Beratin. I vetmi ndryshim ishte se KAS pranoi të rinumërojë disa kuti votimi në Berat, prej të cilave rezulttai mbeti i pandryshuar.
Kolegji Zgjedhor do të japë vendimin përfundimtar pas shqyrtimit të pretendimeve të PD-së dhe LSI-së.
