KED miraton listën për anëtarin e 7 të Gjykatës Kushtetuese

Këshilli i Emërimeve në Drejtësi do të shqyrtojë të hënën kandidaturën e Sonila Bejtjas për vendin e 7 në Gjykatën Kushtetuese. Bejtja është e vetmja kandidate në garë për këtë post. Në një njoftim zyrtar, KED shkruan se do të kryejë sot intervistën me të si dhe do të miratojë listën përfundimtare për vendin e 7 në GJK.

"Zhvillimi i intervistës me kandidatët e lejuar për vendin vakant në Gjykatën Kushtetuese të shpallur vakancë e parakohshme, e shpallur nga Presidenti i Republikës në datën 22.11.2019, si më poshtë:

Sonila Bejtja.

Vlerësimi, pikëzimi dhe renditja për kandidatët e lejuar."

Emri i Bejtjas do të dërgohet pranë Presidentit, i cili duhet ta dekretojë atë. Gjykata Kushtetuese tashmë ka 6 anëtarë dhe mund të marrë vendime.   Shpërndaje te miqtë