Të paktën dy persona u vranë të premten pasi një tornado përfshiu ishullin italian Pantelleria, ndërkohë që nëntë të tjerë u plagosën.
Mes të vdekurve ishin një zjarrfikës jashtë detyrës dhe një burrë 86-vjeçar, që ishin duke udhëtuar me makinë në atë kohë, sipas agjencisë së lajmeve Ansa.
Vorbulla përmbysi makina dhe shkëputi çatitë e banesave, sipas agjencisë italiane të mbrojtjes civile.
Mediat lokale raportojnë se tornadoja ka shkaktuar çarje në një rrugë bregdetare.
Një punonjës emergjencash që foli me agjencinë italiane të lajmeve Ansa e përshkroi skenën si "apokaliptike".
Katër prej të plagosurve mbeten ende në gjendje kritike për jetën, ndërkohë që të lënduarit u ransferuan në spitalet e Palermos.
Ishulli mesdhetar Pantelleria është i njohur për shkëmbinjtë vullkanikë dhe burimet e nxehta dhe mbahet si destinacion turistik i preferuar për njerëzit e famshëm.
Tornadot zakonisht nuk godasin Evropën, por besohet se disa qindra ndodhin në kontinent çdo vit, por nuk raportohen, pasi bien në zonat e thella rurale.
Në fillim të vitit një tornado goditi Republikën Çeke. duke lënë pesë persona të vrarë dhe 150 të plagosur.
