Bashkia Shkodër kërkoi të shpallë sërisht gjendjen e emergjencës në njësinë administrative Ana e Malit dhe Dajç, për shkak të përmbytjeve të shkaktuara nga reshjet e shiut.
Sot, Bashkia raportoi se sipërfaqja totale e përmbytur është 3765 hektarë. Gjendja më e rëndë është në Obot. Niveli i ujit mbi rrugë arrin rreth 110-120 centimetër. Në fshatin Obot ka prezencë uji në oborre deri në 60 centimetër.
Bashkia kërkon edhe pastrimin e përroit të kufirit Muriqan dhe ushqime, 500 ton, për gjënë e gjallë.
