Basha në Kurbin: Rama, shkaku i rrënimit ekonomik

Kreu i PD-së Lulzim Basha vizitoi, të enjten, Kurbinin për të takuar qytetarët dhe njohur nga afër me problemet e tyre. Shtetësimet kryesore të qytetarëve dhe bizneseve në Kurbin ishte kriza ekonomike, mungesa e punës dhe problemet me shtëpitë e dëmtura nga tërmeti. Basha akuzoi kryeministrin Rama si shkaktarin kryesor të krizës dhe rrënimit ekonomik të shqiptarëve. Ai premtoi se me qeverinë e tij, fokusi do të jenë qytetarët dhe se programi ekonomik i PD-së do të sjellë më shumë mirëqenie:

"Ky po e shtyn ekonominë në greminë. Paratë e shtetit i ka futur në xhepat e vet dhe të oligarkëve. Pas 25 prillit kemi zgjidhje të tjera, deri më 25 prill çelësat i ka ky."

Duke folur me një bujk, Basha sqaroi planin e PD-së për bujqësinë:

“Për bujqësinë ne kemi një plan që plotëson nevojat tuaja dhe në të së pari është subvencioni, siç vepron Kosova dhe më tej,  heqjen e ‘taksës Rama’ mbi naftën.”

Ndërsa një banor tjetër tregoi se shtëpia e tij ishte shembur nga institucionet dhe pse nuk ishte e dëmtuar nga tërmeti. Ai tha se kur ka kërkuar llogari për shembjen e shtëpisë, policët kanë thënë se ‘është urdhër i atij të gjatit’ duke iu referuar kryeministrit Rama. Basha premtoi se dhënien e dëmshpërblimit të saktë dhe vënien para drejtësisë të përgjegjsve për këtë rast. Shpërndaje te miqtë