Basha: Akuzat e Ramës gënjeshtra dhe shpifje për të hequr vemendjen nga Covid19

Kryetari i PD-së Lulzim Basha i quan shpifje dhe gënjeshtra akuzat e Kryeministrit Rama për dosjen e Shtëpisë së Verdhë. Ai tha se këto janë thjesht për të hequr vemendjen e qytetarëve nga mbushja e spitaleve dhe nga rritja e numrit të të infektuarve me kovid. “Të gjithë e kuptojnë se ti gënjen e shpif vetëm për të larguar vëmendjen nga pyetjet që ju interesojnë vërtet qytetarëve:Pse qindra shqiptarë kanë humbur jetën nga COVID si rezultat i dështimit tënd?Pse spitalet janë mbushur plot dhe të sëmurët dergjen në ambulanca dhe korridore?”, shkroi Basha në Twitter. Basha u shpreh se shqiptarët kanë nevojë për një kryeministër tjetër, duke e quajtur Ramën “një klloun të dështuar”:

“Pse e ke shkatërruar ekonominë?Pse nuk ju jep ndihmë financiare të prekurve nga COVID? Pse e ke mbyllur derën e BE? Shqiptarët kanë nevojë për një kryeministër që punon për ta e jo një klloun të dështuar si Rama.Bashkë do ti fitojmë zgjedhjet & do shërojmë plagët e hapura nga ai!”