Banorët e një pallati në Yrshek janë detyruar të kthehen në shtëpitë e dëmtuara rëndë nga tërmeti, pasi Bashkia Tiranë i ndërpreu bonusin e qirasë.
Në një bisedë me përfaqësuesen e PD-së Ina Zhupa, banorët treguan se pas tërmetit, pallati u dëmtua shumë dhe ishte vetë bashkia që urdhëroi largimin e tyre nga aty.
“Na larguan me polici pas tërmetit,” u shpreh një banore.
[caption id="attachment_126917" align="aligncenter" width="595"]
Pamje nga pallati i dëmtuar nga tërmeti[/caption]
Më pas, në gusht 2020, bashkia ka ndërprerë qiranë duke detyruar banorët të rikthehen në shtëpitë e dëmtuara.
Ata treguan se bashkia i ka dhënë një një shpërblim minimal, më pak 70 mijë lekë të vjetra për familje, fond i pamjaftueshëm për të bërë punime në shtëpi.
[caption id="attachment_126918" align="aligncenter" width="645"]
Pamje nga pallati i dëmtuar nga tërmeti[/caption]
“Na kanë dhënë 700 mijë lekë për riparim shtëpitë brenda. Për çfarë i dua unë ato?!” u shpreh një banore e pallatit.
Zhupa i bëri apel qeverisë Rama që ‘këto ditë që u kanë ngelur qeverisje, t’i shfrytëzojnë për njerëzit.’
Ajo premtoi se pas 25 prillit situata do të ndryshojë, pasi opozita do të vijë në pushtet.
Shpërndaje te miqtë
