Drejtuesit e mjeteve nuk do të gjobiten për vonesën e kolaudimit të mjetit. "Të gjitha gjobat që lidhen me kolaudimin do të vendosen, vetëm pas fillimit të ciklit të ri të kolaudimeve me afatet e reja. Nuk do ta aplikohen gjoba për vonesën e kolaudimit", u shpreh Blendi Gojxhe në një intervistë, të premten, për Report Tv. Gonxhe njoftoi se zyrat për kolaudimin e mjeteve do të hapet këtë muaj.
Qeveria shtyu në janar me tre muaj afatin e kolaudimit të makinave. Kjo do të thotë se çdo certifikatë aktuale,të cilës i ka mbaruar afati i vlefshmërisë, do të jetë e vlefshme dhe për tre muaj të tjerë.
Ndërkohë më 2 dhjetor kryeministri Edi Rama njoftoi rregullat e reja për koaludimin e makinave. Kolaudimi i makinave do të që prej 1 janarit të 2021, pas përfundimit të konçesionit të SGS-së, do të liberalizohet.
Kjo do të shoqërohet me disa lehtësi sipas tij të cilat përfshijnë:
- Mjetet e reja (o KM) nuk do të kolaudohen 3 vitet e para.
- Mjetet e përdorura do ta kolaudohen një herë në dy vjet.
- Taksitë, autoshkollat dhe mjetet që trasnportojnë qytetarë do të kryejnë koaludim një herë në vit.
- Tarifat nuk do të ndryshojnë.
Kontrolli teknik i makinave iu dha me koncesion kompanisë SGS në vitin 2009, për 10 vjet. Qeveria vendosi zgjatjen e konçesioni me 1 vit, deri në 2020.
Prej më shumë se 4 vitesh Kontrolli i Lartë i Shtetit dhe Autoriteti i Konkurrencës i kanë rekomanduar qeverisë që ta hapte tregun e këtij shërbimi për më shumë kompani.
