Ambasadorja Yuri Kim ka theksuar angazhimin e fortë të SHBA në luftën kundër korrupsionit, veçanërisht në Ballkanin Perëndimor.
Kim ka ndarë në Twitter deklaratën për shtyp të Sekretarit të Shtetit, Antony Blinken mbi vendimin e fundit të presidentit Biden, për masat shtesë ndaj personave të përfshirë në korrupsion në Ballkanin Perëndimor.
“Korrupsioni kudo dëmton politikën e jashtme, sigurinë kombëtare & shëndetin ekonomik të , SHBA dhe partnerëve e aleatëve tanë. Kjo është arsyeja përse jemi të përkushtuar për të nxitur llogaridhënien dhe luftën ndaj pandëshkueshmërisë për ata të përfshirë në korrupsion madhor”, shkruan Kim duke cituar Blinken.
Shtëpia e Bardhë njoftoi një ditë më parë Biden ka firmosur urdhrin ekzekutiv një udhër ekzekutiv të ri në kuadër të luftës kundër korrupsionit. Të gjithë personat, grupet, bizneset dhe organizatat e Ballkanit Perëndimor, përfshi Shqipërinë, që minojnë demokracinë, përfshihen direkt ose indirekt në korrupsion, apo dëmtojnë paqen e stabilitetin e rajonit do t’u bllokohen pasuritë dhe interesat pasurore që kanë ose që mund të kenë në të ardhmen në SHBA, si dhe do t’i ndalohet hyrja në SHBA.
Shpërndaje te miqtë
