Në maj përfundon vaksinimi i punonjësve të hoteleve

Brenda muajit maj në vend do të përfundojë vaksinimi i punonjësve të strukturave akomoduese turistike, sipas ministres së Shëndetësisë Manastirliu, gjatë mbledhjes së Task-Forcës për turizmin, më 18 maj. “Deri tani kemi kryer mbi 4 mijë vaksinime në të gjithë rrjetin e tour-operatorëve”, shtoi ajo. Gjithashtu, Manastirliu njoftoi se ka nisur procesi i dezinsektimit në zonat bregdetare dhe hapja e qendrat shëndetësore verore:

“Do të jenë edhe këtë vit 28 qendra shëndetësore verore, me kujdes 24 orë, të cilat do të hapen përgjatë të gjithë zonave bregdetare, por edhe atyre turistike malore".

Vaksinimi i punonjësve të turizmit nisi në mes të muajit prill. Qeveria ka paguar 100 milionë lekë për të promovuar vendin si destinacion turistik pa Covid-19.