13 persona të infektuar me Covid-19 janë zbuluar në 24 orët e fundit në burgun 313 në Tiranë.
Nuk dihet ende nëse të infektuarit janë të gjithë të burgosur, apo nëse ka mes tyre dhe staf të burgut.
Lajmin e bëri të ditur sot Instituti i Shëndetit Publik, i cili po vazhdon me hetimin epidemiologjik të kësaj vatre.
Sipas BalkanWeb, i burgosuri që dyshohet se është infektuar i pari është një shtetas italian.
Burgu 313 njihet si një prej burgjeve më të mbipopulluar, ku në qeli qëndrojnë më shumë të burgosur nga sa lejohet. Këto kushte e bëjnë më të lehtë përhapjen e virusit mes të burgosurve.
