Kryeministri Edi Rama komentoi sot, përpara mediave, thirrjen e ish-Kryeministrit Sali Berisha, dje në Kuvend, për armatosjen e shqiptarëve për të mbrojtur veten.
Deklaratat kryesore të Kryeministrit ishin:
- Nuk do t’ia vlente humbja e kohës me të nëse ky personazh qesharak nuk do të diktonte axhendën politike dhe komunikimin politik të PD-së.
- Ka disa arsye për të hetuar Berishën si ish-kryeministër të vendit. Kjo e thirrjes së popullit për t’u armatosur është një arsye më shumë.
- Berisha nuk është hetuar deri më sot për çfarë ka bërë, dhe as për çfarë tha dje për sa kohë reforma në drejtësi nuk do të zbatohet.
- Saliu nuk e do reformën, Pikë. As PD nuk e do. Por ju siguroj se reforma do të kalojë ajo cfarë mbetet për të parë është me çfarë çmimi.
- Ja pse arritën [PD dhe Sali Berisha] në kulm volumin e gënjeshtrave dhe akuzave për qeverinë dhe policinë për arrestimin e Shullazit.
Gjatë fjalës së tij kryeministri Rama u shpreh se parlamenti nuk u tregon shqiptarëve rëndësinë e ligjeve që miraton, por tregon pakufinë e ligjit.
"Shqipëria s’mund të jetë një vend tërësisht normal për sa kohë çfarë shkruhet në ligj nuk zbatohet," shtoi ai në fund.
Shpërndaje te miqtë
