Komisioni i Jashtëm i Vlerësimit konfirmoi sot në detyrë drejtorin e Policisë së Shtetit Ardi Veliu.
Veliu rezultoi i pastër në të treja kriterët e verifikimit: pasuri, figurë dhe profesionalizëm.
Nga hetimi administriativ, KJV arriti në përfundimin se Ardi Veliu ka bërë dekalrim të saktë të pasurisë dhe se e justifikon atë me burime të ligjshme.
Sindikata e Policëve i dërgoi KJV-së dy denoncime për Veliun, njëri për qëndrim të paligjshëm në detyrë dhe tjetri për shkelje gjatë ushtrimit të detyrës, por asnjë prej tyre nuk u mor parasysh.
