Ditët e fundit, disa media kanë raportuar se Ministria e Financave po shqyrton dhënien me konçesion të mbledhjes së TVSH-së. Qeveria nuk ka bërë publike asnjë detaj, por informacioni që është mësuar deri më tani nga burimet konfidenciale të mediave është se:
- Qeveria ka marrë një kërkesë nga kompania kineze "EM POST" për marrjen me konçesion të mbledhjes së TVSH-së.
- Për shqyrtimin e kësaj kërkese, Ministria e Financave, që në fund të vitit 2014, ka ngritur një grup pune.
- Gupi i punës së Ministrisë së Financave, pas shqyrtimit të parë, e ka refuzuar kërkesën me argumentin se mbledhja e TVSH-së është e drejta kushtetuese e qeverisë.
- Pavarsisht se grupi i punës e ka refuzuar kërkesën, Ministria e Financave e ka rikthyer atë sërisht për shqyrtim.
- Aktulisht, Ministria e Financave e ka kaluar proçesin në fazën e dytë, atë të hartimit të kontratës.
