Rama uron Nanon, rendit sukseset e PS nën drejtimine tij

Kryeministri Edi Rama i ka uruar ditën e lindjen ish-kryeministrit socialist Fatos Nano. Në një postim në Facebook Rama ka treguar se bashkëpunon tashmë me Fatos Nanon për drejtimin e Partisë Socialiste, pas marrëdhënies së ndërlikuar mes tyre në të shkuarën. “Marrëdhënia mes nesh ushqehet shëndetshëm, me një komunikim miqësor ku e kuptojmë njëri-tjetrin në ajër, sepse prej kohësh tanimë flasim si shoferi i turnit të parë me shoferin e turnit të dytë, për të njëjtën makinë”, shkroi Rama. Ai kujtoi arritjet e Partisë Socialiste nën drejtimin e Fatos Nanos, duke mos kursyer edhe lavdërimet për ish-drejtuesin socialist. Rama shkroi se:

“Ai i nxorri socialistët nga shkretëtira pas varrosjes së Partisë së Punës, duke i futur në Internacionalen Socialiste si një familje idesh progresiste të kohës së re dhe duke e bërë shpirtin e ndryshimit motor të lëvizjes përpara. Në qeverisjen e vendit atij iu desh të drejtonte daljen e popullit nga shkretëtira e piramidave dhe rifillimin e shtetndêrtimit pas katrahurës rrafshuese të vitit '97”.

Rama, megjithatë, nuk la pa kujtuar edhe se si Fatos Nano e morri në PS dhe më pas Rama i zuri vendin duke e larguar nga partia. Gjithashtu, kryeministri, duke theksuar se ka ende kohë, e ftoi Nanon të shkruajnë bashkë një libër mbi drejtimin e PS, për tja dhuruar pasardhësve të tyre në parti. Shpërndaje te miqtë