Presidenti i KE Tusk dënon shembjen e teatrit dhe dhunën ndaj protestuesve

Kreu i Këshillit Evropian Donald Tusk dënoi ashpër shembjen e Teatrit Kombëtar, si një veprim që shkon kundër vlerave europiane të sundimit të ligjit, transparencës dhe trashëgimisë kulturore. Në një postim në Twitter, Donald Tusk dënoi dhe dhunën e ushtruar nga policia ndaj protestuesve:

"Unë dënoj prishjen e teatrit kombëtar në Tiranë të dielën, e cila shkon kundër vlerave evropiane si ruajtja e trashëgimisë kulturore, sundimi i ligjit dhe dialogu transparent.

Frikësimi dhe përdorimi i dhunës ndaj protestuesve, shoqërisë civile, artistëve si dhe politikanëve të opozitës janë të papranueshme.

Sundimi i ligjit, media e pavarur dhe e lirë dhe lufta kundër korrupsionit duhet të mbizotërojnë për perspektivën evropiane të Shqipërisë.”