PD zëvendëson të dorëhequrit në Korçë

Partia Demokratike ka komanduar 15 drejtues të rinj në deri në shtator në vend të drejtuesve që u dorëhoqën. Dega e Korçës do të drejtohet nga 3 nënkryetarët e saj. Drejtuesit e rinj u prezantuan nga deputeti i PD-së Ervin Salianji, të enjten. Ai i akuzoi personat e dorëhequr se janë të pamësuar me sakrificën:

"Shumë njerëz nuk janë mësuar dot me sakrificën, shumë të tjerë janë ‘demokratë pushteti’ dhe nuk janë dot demokratë sakricash dhe opozite".

Në një njoftim për median PD e Korçës shprehet se të dorëhequr nuk kanë qënë pjesë e PD-së, por “kandidatë zyrtare në parti të tjera në 25 Prill, disa të panjohur per degën”. Në Korçë dhanë dorëheqjen 13 anëtarët e kryesisë, përfshirë Andrea Manon, ish-kryetar i degës së PD Korçë, kandidatë për deputet në 2021, dhe anëtar i Këshillit Kombëtar; si dhe Devis Osmani, kryetari i komanduar i PD-së Korçë, pas dorëheqjes së Andrea Manos në 2021. Pas tyre u dorëhoqën edhe 51 drejtues seksionesh e grupseksionesh. Arsyeja e dorëheqjes ishte e njëjtë: pakënaqësi me drejtimin e partisë gjatë këtyre viteve.