Kryetari i sapozgjedhur i PD-së Lulzim Basha ka vendosur të bëjë zgjedhje të parakohshme të Këshillit Kombëtar.
Sipas njoftimit të Sekretarit të Përgjithshëm, Gazment Bardhi, kryesia e PD-së do të mblidhet më 18 qershor për të analizuar zgjedhjet e 25 prillit dhe thirrur Kuvendin e partisë më 17 korrik.
Kuvendi Kombëtar miraton ndryshime të statutit dhe zgjedh Këshillin e ri Kombëtar.
Këshilli Kombëtar aktual u zgjodh më 17 dhjetor 2018 me një mandat 4-vjeçar, i cili përfundon në dhjetor 2022. Pas zgjedhjes së Këshillit të ri Kombëtar, Basha me gjasa do të zgjedhë edhe Kryesinë e re.
Më 13 qershor, PD konfirmoi Bashën për të tretën herë radhazi në postin e kryetarit.
