Partitë shqiptare të luginës së Preshevës do të garojnë më një listë të përbashkët në zgjedhjet në Serbi.
Lajmin e bëri të ditur kryetari i komunës së Preshëvës. Në një postim në Facebook, ai shkruan:
"Sot, bashkë me kandidatin për deputet nga Alternativa për Ndryshim Argjend Bajramin dhe kryetarin e degës së APN-së në Bujanoc Arbër Pajazitin takuam Ministrin për Europ dhe Punë të Jashtme Gent Cakaj.
Lista e përbashkët e partive shqiptare të luginës së Preshevës tanimë është e kompletuar dhe garojmë me numrin 16 Alternativa Shqiptare- Lugina e Bashkuar."
Më herët, Presidenti Meta përshëndeti bashkëpunimin e partive shqiptare të Luginës së Preshevës për zgjedhjet parlamentare të 21 qershorit në Serbi.
Kjo është hera e parë që pesë partitë shqiptare në Luginën e Preshevës bashkohen dhe marrin pjesë në zgjedhje me një listë të vetme. Synimi i tyre është fitorja e të paktën tri mandateve deputetësh në Kuvendin e Serbisë.
