Masat ndaj koronavirusit reduktojnë ndotjen e ajrit në Evropë

Agjencia Evropiane e Hapësirës (ESA) publikoi në fundjavë pamjet satelitore nga zona e Evropës ku tregohet qartë reduktimi i nivelit të dioskidit të azotit në muajin e fundit. Nga pamjet satelitore duket qartë reduktimi i ndotjes në veriun e Italisë, një nga zonat më industriale të BE-së. Po kështu shihet edhe zhdukja e njollës së ndotjes në Shqipëri dhe Kosovë. [caption id="attachment_74616" align="aligncenter" width="1920"] Pamja satelitore e ndotjes janar-mars 2020.[/caption] Claus Zehner, drejtues i një prej projekteve të ESA-s pohoi se:

“[…] edhe pse mund të kenë pasur ndikim edhe kushtet klimaterike, jemi tejet të bindur se reduktimi i ndotjes ka ardhur si pasojë e masave kundër koronavirusit”.

Dioksidi i azotit (NO2) është ndër ndotësit më të rëndë të ajrit, çlirohet kryesisht nga diegia e karburanteve. Industria dhe qarkullimi i makinave janë ndotësit kryesor. Thithja për një kohë të gjatë e këtij gazi shkakton ndërlikime dhe reduktim të frymëmarrjes, rritje të mundësisë për sëmundje të mushkërive dhe alergjive. Njësoj dioksidi i azotit ndikon edhe te bimësia, ku kryesisht si efekt anësor u redukton rritjen dhe dëmton gjethet.