LSI e quajti të hënën Komisionin e Ankesave dhe Sanksioneve “një organizatë politike të Rilindjes.”
Përmes një postimi në Facebook, sekretari i përgjithshëm i LSI, Endrit Brahimllari shkruajti se KAS nuk mori parasysh asnjë nga provat e opozitës siç ishin: votimi i shumfishtë, problemet me fletët e votimit në kuti, punësimi i militantëve në kundërshtim me ligjin, pengimi për të votuar i qytetarëve nga Maqedonia dhe Greqia.
“KAS organizatë politike e Rilindjes. Nuk vlerëson asnjë fakt nga masakra zgjedhore e 25 prillit.”
Reagimi i Brahimllarit erdhi pas vendimit të KAS për të rëzuar kërkesën e LSI dhe PD për të përsitur zgjedhjet në Elbasan dhe Korçë.
