Kryemadhi justifikon marrëveshjen opozitë-qeveri: Nuk mund të pengojmë integrimin në BE

Monika Kryemadhi e quajti dialogun mes opozitës dhe qeverisë për reformën zgjedhore si të vetmen rrugë me të cilën Shqipëria mund të ecë drejt BE-së dhe bëri thirrje për miratimin sa më të shpejtë të reformës. Në një postim në Facebook, Zonja Kryemadhi u shpreh:

“Integrimi Evropian i Shqipërisë nuk mund të sakrifikohet për asnjë arsye.

Opozita sot mori përgjegjësinë e saj përpara qytetarëve shqiptarë për të realizuar reformën zgjedhore, e cila është edhe një nga 9 kushtet e vendosura nga Bundestagu Gjerman për të bërë të mundur hapjen e negociatave në Samitin e Zagrebit.

Nga sot është përgjigjësia e kësaj maxhorance të bëhet gati për implementimin e Reformës zgjedhore që do të miratohet me konsesus.

Sot opozita, me marrjen e përgjegjësisë për të vetmin kusht që duhet kontributi i saj për të zhbllokuar integrimin në BE, tregoi që mbi interesat partiake apo llogaritë meskine elektorale vendos të parën të ardhmen e shqiptarëve.”