KQZ miraton aplikimin e identifikimit biometrik në zgjedhje

Komisioni Qendror i Zgjedhjeve miratoi të hënën vendimin për aplikimin e identifikimit biometrik të votuesve. Kreu i KQZ-së, Ilirjan Celibashi deklaroi se nëpërmjet identifikimit biometrik synohet ruajtja e votës. Në një intervistë për Abc News, zëvendës Komisionerja Shtetërore, Lealba Pelinku sqaroi se pajisja që do të bëjë identifikimin e votuesit përmban të gjitha të dhënat e tij. Gjithashtu ajo shtoi se pajisja do të paraqesë foton e tij në një përmasë më të madhe se ajo e pasaportës apo kartës se identitetit duke bërë që komisioni të shohë nëse korrespondojnë ose jo të dhënat.

"Pajisja përmban të gjitha të dhënat e votuesit do të bëjë identifikimin e zgjedhësit. Pra do të kalohet mjeti i identifikimit dhe pajisja konfirmon të dhënat e zgjedhësve. Pajisja mban dhe foto, por jo ajo foto e vogël që ka karta apo pasaporta, por një foto më e madhe, e tillë në përmasa që të duket qartë që personi që është në qendrën e votimit është e njëjtë me atë në foto që sheh komisioni përmes pajisjes"

Pelinku deklaroi se ky është një sistem offline dhe nuk do të ketë lidhje me asnjë rrjet elektrik. Shpërndaje te miqtë