Hiqet detyrimi për dezinfektimin e mauneve në pikat kufitare me Kosovën

Kosova hoqi detyrimin për dezinfektim të kamionëve në pikat kufitare me Kosovën. Pas probleme të shkaktuar me kamionët shqiptarë në pikën e kalimit kufitar në Morinë, Ministria e Brendshme e Kosovës njoftoi se:

“Pezullohet kontrata për dezinfektimin e mauneve që vijnë në Republikën e Kosovës. Nga ky moment importuesit nuk kanë nevojë t’i dezinfektojnë maunet në pikat kufitare”.

Ministria sqaroi se kjo ishte një masë e marrë në “kuadër të masave për luftimin e pandemisë së COVID-19”. Policia kufitare kosovare i kërkonte shtetasve shqiptarë dëshmi të katër ditëve të fundit, për rezulatet e analizës së Covid-19. Ndërsa kamionët duhet të paguanin 17-22 euro për të dezinfektuar, para se të hynin në Republikën e Kosovës.