Kosova shpreh gadishmërinë për ndihmë ndaj Kroacisë pas tërmetit

Kosova do të ndihmojë Kroacisë pas tërmetit të 29 dhjetorit. Kryeministri i Kosovës, Avdullah Hoti i dërgoi një letër homologut të tij kroat, Andrej Pllenkoviq, ku i shpreh gadishmërinë e Kosovës për të ardhur në ndihmë pas tërmetit.

“Si kryeministër i Kosovës, unë do të doja të ofroja mbështetjen e Forcës së Sigurisë së Kosovës, si një forcë e shquar dhe e trajnuar mirë në misionet e kërkim-shpëtimit, e cila është e gatshme t'i ndihmojë qytetarët dhe autoritetet kroate në tejkalimin e pasojave të tërmetit"

Një tërmet i fortë, rreth 6,3 ballë, goditi Kroacinë qendrore, duke shkaktuar dhjetra të plagosur, 7 viktima dhe dëme të konsiderueshme në ndërtesat në Petrinja, një qytet në juglindje të Zagrebit. Tërmeti u ndje në të gjithë Kroacinë, si dhe në Serbi, Bosnjë dhe Hercegovinën fqinje dhe deri në Graz në jug të Austrisë. Disa ndërtesa u shembën në Petrinja, rreth 60 kilometra nga Zagrebi. Shpërndaje te miqtë