Kosova gjen pesë varre masive në Kizhevak të Serbisë

Të paktën pesë varreza janë zbuluar deri më tani në Kizhevak të Serbisë, ku besohet të jenë trupat e viktimave të luftës në Kosovë. Drejtori i Institutit të Mjekësisë Ligjore të Kosovës, Arsim Gërxhaliu ka deklaruar për kërkuesit po gjejnë mbetje mortore, por nuk dha detaje se sa trupa janë gjetur deri më tani:

"Deri më tani janë zbuluar pesë varreza. Jemi duke gjetur mbetje mortore dhe do të punojmë deri sa të na lejojnë kushtet atmosferike."

Komisioni Qeveritar për Personat e Pagjetur ka nisur gërmimet në Kizhevak të premten. [caption id="attachment_116811" align="alignnone" width="960"] Varret masive në Kizhevak[/caption] Gërmimi në Kizevak, afër qytetit kufitar me Kosovën, Raska filloi në 2015 nga të dy ekipet e Kosovës dhe Serbisë, por ato u intensifikuan në javët e fundit pasi disa mbetjet mortore u zbuluan më 16 nëntor. Misioni i Bashkimit Evropian për Sundimin e Ligjit në Kosovë (EULEX) shpjegoi se identifikimi i vendndodhjes së saktë ku u gjetën mbetjet njerëzore në Serbi, ishte i mundur përmes imazheve ajrore nga viti 1999. Komiteti Ndërkombëtar i Kryqit të Kuq i vuri në dispozicion imazhet ajrore të vitit 1999 për Komisionin Qeveritar të Kosovës për Personat e Zhdukur dhe Komisionin Qeveritar Serb për Personat e Zhdukur në fund të vitit 2019 Mbi 1600 njerëz janë ende të cilësuar si të zhdukur që nga përfundimi i luftës në Kosovë në 1999. Shpërndaje te miqtë