Korea e Veriut ka raportuar 0 raste infektimi me Covid-19 pranë OBSH-së, sipas një raporti të cituar nga Associated Press.
Përfundimi, i cili ka pak besueshmëri, iu komunikua OBSH-së pas testimit të 733 personave mes 4 dhe 10 qershorit.
Ekspertët dyshojnë pretendimet mbi mungesën e virusit për shkak të kushteve të dobëta dhe faktit se aleati kryesor tregëtar i Koresë së Veriut mbetet Kina, me të cilën vazhdon shkëmbimet tregëtare.
Ndërkohë, vendi gjendet në gjendje karantine dhe ka ndaluar turistët, diplomatët e ka kufizuar më tej tregëtinë.
Pandemia cilësohet "çështje të ekzistencës kombëtare" dhe për këtë shkak, udhëheqësi i Koresë së Veriut, Kim Jong Un gjatë një konference javën e kaluar u bëri thirrje zyrtarëve të mbështesin kufizimet e zgjatura kundër Covid-19.
Situata ekonomike u rëndua edhe më tepër vitin e fundit për shkak të izolimit të thelluar dhe sanksioneve amerikane.
