Pavarësisht thirrjeve të vazhdueshme të Kryetares së Komisionit Albana Vokshi, Garda e Republikës nuk zbatoi urdhërat për largimin e Kryetarit të Bashkisë Veliaj nga punimet e komisionit të Medias.
Zoti Veliaj u shfaq i paftuar dhe kërkoi të merrte në dorë diskutimin në mbledhjen e thirrur për projektligjin e tjetërsimit të tokës së Teatrit Kombëtar në favor të kompanisë private Fusha shpk.
Zonja Vokshi tha se Kryetari i Bashkisë Veliaj “paguhet nga oligarkët dhe bosët e drogës. Medoni se mund të bëni arrogantin edhe në Kuvend sikurse bënë edhe në bashki? Meqenëse ishte i paftuar kërkoi të shkatërroi mbeldhjen. E kishte të qëllimshme sepse qeveria nuk do të përballet për të bërë transparence mbi një ligj për tjetërsimin e tokës në favor të privatit për fitime marramendëse”.
Pas largimit të Veliajt, Ministrja Kumbaro dhe deputetët e Partisë Socialiste u larguan nga Komisioni. Sipas kalendarit të punimeve, dëgjesa me kryetarin e Bashkisë mbi projektligjin e Teatrit është parashikuar ditën e mërkurë.
Shpërndaje te miqtë
